1. Эдийн засгийн төлөв байдал
- Эдийн засгийн өсөлт
2023 онд эдийн засаг тогтворжиж, өмнөх оноос 7.0% өслөө. Хил, боомтуудын үйл ажиллагаа цар тахлын өмнөх хэвийн байдалдаа эргэн орсноор уул уурхайн салбар (+23%) болон түүнийг дагалдаж тээврийн салбар (+39%) хамгийн өндөр өсөлттэй байсан бол өвөлжилт хүндэрсэнтэй холбоотойгоор хөдөө аж ахуйн салбар 9% агшсан гэх мэтээр эдийн засгийн өсөлт салбар бүрт харилцан адилгүй гарлаа.
МУ-ын эдийн засгийн 2023 оны өсөлтийн төсөөлөл ба гүйцэтгэл
Эх сурвалж: Тус байгууллагуудын цахим хуудас
Эдийн засгийн салбаруудын өсөлтийн хувь
Эх сурвалж: Үндэсний Статистикийн Хороо
Монгол Улсын 2024 оны эдийн засгийн өсөлтийн төсөөлөл
Эх сурвалж: Тус байгууллагуудын цахим хуудас
Монгол Банкны төсөөлөл:
2024 онд: 6.2% [3.8-8.6]
Уул уурхайн үйлдвэрлэл нэмэгдэх, төсвийн төлөв сулрах зэрэг нь дотоод эдийн засгийн идэвхжлийг тэтгэнэ.
2025 онд: 5.3% [2.2-7.9]
Оюу толгойн үйлдвэрлэл эрчимжин, уул уурхайн салбарын өсөлт нэмэгдэх хэдий ч хөрөнгө оруулалт буурах, төсвийн төлөв чангарах нь уул уурхайн бус салбарт сөргөөр нөлөөлж, эдийн засгийн өсөлт саарах хүлээлттэй байна.
- Зээлийн өсөлт
Арилжааны таван том банк олон нийтэд 5-11 хувийн хувьцаагаа арилжаалж, ₮473 тэрбумыг босгосноор Монголын Хөрөнгийн биржийн үнэлгээ 2023 онд анх удаа ₮10 их наядыг давсан.
Дэлхийн хамгийн том хөрөнгө оруулалтын менежментийн Blackrock компани нийт $10 их наядын хөрөнгө удирддаг нь Монголын Хөрөнгийн бирж дээрх нийт үнэт цаасны үнэлгээний нийлбэрээс бараг 3500 дахин өндөр юм.
2023 оны 10-р сарын байдлаар зээлийн жилийн өсөлт 15.7% хүрчээ
Эх сурвалж: Монгол банк
Үргэлжлэл бий...
